Versteende Woud

'n Besoek aan die versteende boomstamme is ewe boeiend. Die klip 'bome' wat op die grond lê, is so goed bewaar dat hulle soos blokke lyk. Die Versteende Woud bestaan uit minstens 50 bome wat tussen 240 en 300 miljoen jaar oud is.

Hier sal jy ook een van die wêreld se botaniese kuriosa vind, die vreemd uitkykende Welwitschia. Alhoewel dit glad nie na 'n boom lyk nie, word die Welwitschia tog as een geklassifiseer, en baie van sy stam is ondergronds. Slegs 2 leeragtige blare van tot 8m lank en 1,5m wyd word op die verkreukelde stam geproduseer, maar die blare word deur brandende winde en uiterste temperature tot 'n verwarde massa geskeur, wat die indruk skep van 'n menigte blare.... Read More